FMQ Challenge de Angela Walters: Venting Quilt

A quilter e youtuber Angela Walters comezou hai unhas semanas un proxecto de publicar periodicamente aulas de acolchoado libre, que é a súa especialidade. Eu teño cursado con ela varias clases de Craftsy e considéroa unha das mellores instructoras na materia.

Subscribindo o curso, cada luns recibes gratuitamente por correo electrónico plantillas e instruccións, e o enlace aos vídeos de youtube que vai subindo coas diferentes técnicas.

O primeiro video recollía unha presentación do proxecto. Esta técnica mellora coa práctica, e a mellor práctica consiste en compartir experiencias con outras persoas. Angela ofrece un curso gratuito e mesmo con opcións a gañar premios. Pódese mercar o kit da colcha coa que vai demostrar ela ou usar calquera sandwich que teñamos por casa. O importante é compartir os nosos traballos polas redes sociais, usando o hashtag #freemotionchallenge.
Os materiais que se necesitan son: unha máquina de coser, prensateas para o acolchoado libre, agulla (as de titanio son máis fortes), fío de calidade (ela recomenda Aurifil 50wt que tamén é o meu preferido) dunha cor que se disimule coa tea. Axudas adicionais: Supreme Slider, luvas, útiles de marcado (stencil, xiz), regras de acolchoado (opcionais).

Eu vou usar para practicar a miña colcha Venting Quilt. Houbo períodos nos que me quedei de única coidadora da miña sogra con demencia senil, e fíxomas pasar moi gordas. Cando non podía máis, agarraba unha presada de tiras de 2,5" e facía uns cantos bloques Box Kite. A principios deste ano decidín xuntalos, malia seren unhas cores horrorosas, para practicar novas técnicas de acolchoado. Co prensateas de dobre arrastre cosín as liñas entre bloques para estabilizar o sandwich, por iso xa recurtei o sobrante de boata e traseira para que non estorbasen.

No segundo vídeo comezamos a acolchoar, cun dos deseños considerado máis básicos: o meandering que en castelán chaman "gusanito" (vermiño). Aprendemos a traballar en todas as direccións ocupando todo o espazo. Comezamos baixando a agulla e subíndoa unha soa vez para facer subir o fio da bobina, e facemos 2-3 puntadas no sitio para amarrar os fíos. Coas mans a cada lado iniciamos unha moción sen preocuparse pola loxitude das puntadas. A idea é familiarizarse cos movementos do sandwich sen facelo xirar, lembrando parar e reposicionarmos as mans con frecuencia. Fixarémonos en que a distancia entre liñas sexa máis ou menos constante para acadar unha textura homoxénea, sen espazos valeiros. Coa práctica aprenderemos a non quedarmos entaladas nos recantos. 
Variacións que admite: diminuir a escala achegando as liñas (stippling) ou ao contrario espacialas máis para rematar máis axiña.
O echoeing ou eco consiste en facer liñas en paralelo a un contorno de xeito a subliñar esa forma e atraer a mirada cara ela. Despois pódese encher o interior cun deseño denso. Para liñas de contorno rectas pódense usar regras, ou tamén nos pode axudar marcar puntos ou liñas de guía cun xiz ou rotulador lavable. Tampouco hai que se obsesionr porque a liña sexa perfectamente recta, xa que o recheo disimulará calquera irregularidade.

O terceiro  vídeo explica o concepto da continuous curve ou curva contínua, que vai percorrrendo as esquinas dos bloques dando impresión de continuidade. É ideal para bloques pequenos, ou bloques grandes feitos de pezas pequenas. Hai unha técnica para ir facendo as curvas en bloques sucesivos sen ter que cortar o fío entre cada bloque. As liñas aparentan ser serpentinas que pasan alternadamente a un lado e outro da liña de guía. Non se hai que preocupar se algunha das curva non sae perfecta xa que, rematada a labor, só se percibe a textura xeral. Existen tamén regras para axudar a que as curvas saian todas parellas.
Variación: partindo do centro, usar puntos internos no bloque como guías para enlazar curvas en forma de pétalos dunha flor. Ao cosermos non hai que fixar a mirada na curva que estamos facendo senon na punta onde queremos que remate. Este deseño carga moito de fío a zona central, por iso é importante que o fío sexa fino e da mesma cor que a tea. Se nos gusta o resultado e queremos subliñalo, podemos rodealo cun eco e despois encher cun deseño denso de contraste. Se ao contrario queremos disimular, rodearemos cun deseño de enchemento coa mesma densidade que o debuxo central.

[foto continuous curve]

No cuarto vídeo utilizamos o aprendido nos episodios anteriores: moverse en todas as direccións facendo curvas e ecos, aplicado ao deseño leafy meander.
Comezamos cun arco que se dirixe cara un punto e volve case simetricamente. O que importa é o espazo que as liñas encerran: vai definir a densidade e textura. As liñas de eco levarán unha distancia semellante. Cando teñamos suficientes liñas, comezamos con outro arco orientado con outro ángulo. Podemos trazar co dedo previamente a liña imaxinaria cara onde imos ir a continuación, para facérmonos unha idea. Se cometemos un eco, seguimos con liñas de eco que o disimulen. Para que as puntas saian ben agudas, axuda pensar no movemento dunha pelota de pingpong que choca e rebota.
Podemos dar énfase ao deseño marcando unha liña pola que se guiará a primeira serie de follas, de tamaño máis grande. Unha variación consiste en inserir un segundo deseño adicional no interior das follas.

[foto leafy meander]

O quinto vídeo emprega moitas liñas rectas que podemos facer ou non coa axuda de regras: baséase en guiarse por puntos concretos do piecing, o que Angela chama dot to dot quilting.

Semana #6: videos wavy lines e o seu uso noutros proxectos: eye candy.
Semana #7: vídeos swirl meander e feather meander.
Semana #8: vídeos clamshell e stacked squares.
Semana #9: vídeo wishbones.

Seminario What to quilt on your quilt

Un domingo moi tranquilo. Atopei de novo este vídeo que tanto me gustara sobre que decisións tomar á hora de acolchoar.

En realidade estaba buscado tutoriales sobre mactavishing.

Coxín on point verde e azul

Para seguir practicando as aulas de Angela Walters en Craftsy e en particular o enchemento con acolchoado de formas triangulares (co apoio dos seus libros de motivos para bloques) fixen outro coxín.
A construción dos bloques parte de varias tiras de cores de 2,5" e tiras brancas de 4,5" que se unen polo longo formando un tubo, para despois cortalo a 45 grados, creando cadrados de 6" cos lados polo bies. O tutorial en Youtube tamén é de Angela Walters para Crafsy:

Fixéronme falta 16 cadrados para cada cara do coxín, unidos a pares formando triángulos. Experimentei todo tipo de deseños, máis densos nos triángulos brancos e menos densos nos de cor:

Coxín gris e rosa

Angela Walters ofrece varios cursos de acolchoado na plataforma Craftsy. Intereseime por este: "Help! How do I quilt it?" Desenvolve sete temas segundo a tipoloxía do piecing do proxecto (appliqué, paper piecing, pezas especialmente grandes ou pequenas, medallóns...). Os materiais que complementan as aulas inclúen o patrón da colcha sobre a que Angela fai as demostracións. Tomei os elementos máis singulares e recompúxenos nun proxecto de menor tamaño (uns 50 cm x 50 cm) coa idea de empregalo posteriormente para confeccionar unha funda de coxín.

Algunha das teas ten un estampado tan marcado que só se distingue ben o acolchoado polo reverso.

Blue Spiderweb (arañeira azul)

En proceso...

REMATADA!

Deseños FMQ (4): doas ensartadas

Outra forma de acolchoado libre son os motivos enlazados ao longo da liña de costura, como doas ensartadas nun colar. A liña pode ser contínua por todo o labor, ou de borde a borde. O exemplo básico serían os lazos (loops) pero as posibilidades son infinitas.

Accesorios: pés de máquina

Pódese acolchoar con calquera máquina doméstica, a condición de dispor dun pé axeitado como os que se ven na foto. Os de dobre arrastre (1 e 2) están deseñados para o acolchoado en liñas rectas, pero tamén permiten a execución de curvas suaves. O modelo (2) permite a inserción dunha barra para facilitar o aliñamento equidistante de liñas paralelas de costura. Un exemplo clásico de deseño por este método é o acolchoado en espiral:

A miña máquina traía de serie un pé para acolchoado libre como o modelo (3), que cheguei a romper por uso excesivo. Veño de comprar por internet os modelos (4), con pé aberto de plástico transparente, e (5) con pé metálico pechado. Estes levan unha panca para se desprazaren arriba e abaixo coa barra da agulla en cada puntada, e un resorte para se adaptaren a calquera grosor de acolchoado.

O feito de que o pé salte con cada puntada amola a moitas quilters, o que as levou a tentar modificacións caseiras (como esta de Leah Day cun elástico, ou estoutra máis técnica cun parafuso). A casa Janome ten un pé específico que se regula cun parafuso e non precisa modificación:

Mesmo existe un pé cuxo eixo está desprazado respecto da barra da agulla, permitindo ver a labor por detrás da agulla:

Deseños FMQ (3): "nestling"

Christina Cameli define nestling designs ou deseños aniñados como motivos que están en contacto cos seus veciños por varios puntos, polo que unha vez rematada non se pode saber onde comezou a labor. O exemplo clásico e o das bólas (en inglés pebbles). A súa execución esixe pasar dúas veces por algúns tramos (travelling).

Pódense usar en tamaños variados (1) ou alternando con algunha variante (2). Se son suficientemente grandes, poden levar dentro algún deseño adicional, como liñas curvas (3), asteriscos/estrelas (4), arcos coverxentes que as asemellan a balóns de basket (5), ou arquiños sucesivos (6). Mesmo poden levar círculos secundarios tanxentes (7) ou inseridos nunha curva suave (8).

Os motivos non teñen que ser círculos necesariamente: poden ser máis ovalados (9), triángulos (10), rectángulos (11). Leah Day creou tamén formas inspiradas na cultura asiática, como o ying e yang (12), espirais, ou tamén cariñas baseadas nos emoticonos (14 e 15).

Un mesmo deseño, con tamaño escalonado, é tamén un potente recurso gráfico para inferir movemento (16), como se evidencia na seguinte colcha, de Angela Walters:

Deseños FMQ (2): liñas continuas e de lado a lado

Estiven a practicar (para confeccionar unha especie de catálogo persoal) deseños de acolchoado que se basean nunha única liña que nunca se cruza. Valen tanto para cubrir toda a superficie do proxecto (edge-to-edge) como para bloques ou seccións (fillers). O que máis teño usado e o "gusanito" tanto a grande escala (meandering (1)) como en pequeno (stippling (2)).

Outra versión, con liñas dereitas e ángulos rectos, coñécese como "labirinto" (3). Cústame facer espirais regulares (4) se non teño liñas de guía; tamén destas existen variantes "borrachas" (drunk spirals (5)) ou cadradas (6).

As seguintes formas, moi alongadas, dánseme mellor se as fago de arriba abaixo. Ángela Walters chámalles back-and-forth e hai variantes con ángulos rectos (7), curvas suaves e ángulos agudos (eu chámolles labaradas, flames (8)) e extremos más redondeados (9).

As liñas que se van repetindo de lado a lado tamén se poden usar en toda a labor ou só zonas específicas. Son idóneas para bordes. Nesta categoría són clásicos os deseños con pequenos lazos imitando eles cursivos (10) ou efes (Christina Cameli chámelles lazy efs e Ángela Walters wishbones (11). Para franxas estreitas os deseños máis sinxelos son de ondulacións estreitas redondeadas (12), rectangulares (13) ou triangulares (14). Ondulacións que case se pechan son coñecidas como ribbon candy (15), e o que algúns chaman pontes, no mundo anglosaxón son cunchas (shells (16)).

Ás curvas suaves de lado a lado Leah Day chámalles shadow waves (17). Ángela Walters ten unha versión na que de cando en cando unha das curvas converxe coa anterior e rebota cara o lado de onde viña a liña, de forma fluida (all-over wavy lines (18)). Como contraste outro deseño de Leah Day baséase en liñas angulares a intervalos irregulares (jagged lines (19)).

Deseños FMQ (1)

Anna Orduña ven de publicar un libro para iniciarse no acolchoado libre con máquina de coser doméstica. Introduce 15 deseños básicos cos que comezar a practicar:

Con todo, a miña instrutora favorita é Christina Cameli, que fai unha interesante clasificación dos deseños en relación co modo que ten cada motivo de enlazar co seguinte. Angela Walters ordena os motivos en función da forma que ten o espazo que hai que cubrir con eles. Leah Day fíxase na densidade e textura que achegan.

Confort vermello

As miñas prácticas de acolchoado libre a máquina do curso de Crafsy "Free-Motion Quilting essentials" covertéronse en coxíns para o sofá da aldea.

Polo reverso das fundas, os exercicios de acolchoado visualizábanse mellor: