Ringo Lake: remate

O ano 2017 rematou cunha maratón de pistas do mystery On Ringo Lake, de Bonnie Hunter. As instruccións para a parte 6, parte 7,  parte 8 e parte 9 foron publicadas en días consecutivos para coñecer a revelación final o día de Aninovo.

Vou progresando moi amodo na ensamblaxe, por falta de tempo, espazo e intervencións felinas.

Porén hai xente que xa posteou as fotos das súas versións acolchoadas e rematadas.

Ringo Lake, parte 5

De novo temos que facer flying geese, no meu caso brancos e negros, que resultan ser dúas córes constantes na miña versión. Xa hai xente avanzando no proceso. A min retrásame o ter que axustar finalmente a medida das unidades, porque pasando o ferro sempre estiro algo de máis e sobran uns fíos para o tamaño perfecto (sliver trimming).

Ringo lake, parte 4

Como este proxecto é un mystery, non se sabe nin sequera de cantas partes se compón. Polas miñas contas, xa case gastamos a totalidade dunha das córes (verde no meu caso).
Desta volta, a cuarta pista consiste en unidades triangulares compostas. Eu escollín facer cadriños grises coas puntas triangulares en negro. Vai máis rápido que a pista anterior, e xa levo máis da metade das unidades necesarias.

Anteriormente:

• Parte 1
• Parte 2
• Parte 3

O que están a facer as demais participantes.

Ringo lake, parte 3

A pista do mystery de Bonnie Hunter esta semana consiste en pares de unidades rectangulares cuxo centro é un romboide, no meu caso de cór verde. Vou lenta porque ao pasar o ferro é doado que se distorsionen as pezas, xa que van cosidas polo bies.

Estamos en pleno temporal e apenas hai luz natural, polo que as córes se ven máis apagadas do que na realidade.

As pistas anteriores:

• Parte 1
• Parte 2

O que fan os demais participantes.

Ringo Lake, parte 2

A segunda pista deste mystery saiu o venres. Tamén neste caso fixen pouco máis da metade das unidades, no meu caso flying geese verdes sobre fondo branco.

O seu número fai supor que forman parte dos mesmos bloques que as pezas feitas anteriormente. Isto é unha suxestión:

Algunhas das demais participantes tamén decidiron trocar algunha das córes.

Ringo Lake, parte 1

Fixen onte algo máis da metade das unidades necesarias para a primeira pista do mystery Ringo Lake.
Como mudei as córes os meus 9P teñen menos contraste que os que propón a autora.

Hai centos de participantes que cada luns publican os seus avances.

Ringo Lake intro: materiais

Como cada Black Friday, Bonnie Hunter propón a partir de mañá un novo quilt misterioso.  Este será o meu quinto.

Os anteriores son: 

Celtic Solstice

Grand Illusion

Allietare

En Provence

Para o 2017, a deseñadora inspirouse nun mencer sobre o lago Ringo, nos Estados Unidos. Chamaron a súa atención o contraste de córes: castaño, verdemar, salmón. Por primeira vez vou optar por córes distintas: as miñas son gris, negro e verde (as que temos tanto no dormitorio coma na sala).

Sapphire comets

Tiven onte unha sesión do que podería chamar improv assembling. Fun dando voltas ás pezas que fixen do misterio de Kevin the Quilter, e xuntei por partes ata chegar a este top que mide unhas 36"x54": tamaño xusto para un bebé ou unha cadeira de rodas.

Os cometas son fragmentos esfarelados das estrelas, e como o meu proxecto é unha pequena fracción do deseño das Estrelas de Zafiro, vaille quedar Sapphire Comets. A miña composición é asimétrica e con bastante espazo en branco, que me propoño acolchoar densamente.

Editado o 30 de decembro para engadir as fotos do proxecto xa rematado. A traseira está composta por dúas pezas, unha branca e outra azul. Acolchoei as estrelas centrais con fío azul mariño, o resto en branco. O remate fíxeno con restos de tiras de 2", cosidas a máquina cunha puntada de espiña de peixe.

Quilt misterioso Sapphire Stars, última pista

Hai uns días que Kevin the Quilter publicou as instrucións para os últimos bloques do seu deseño, pero non tiven tempo ata hoxe para coser algúns.

As partes anteriores: primeira, segunda, terceira, cuarta.

Quilt misterioso, pista sorpresa

Levo dúas semanas de auténtica tolemia laboral. Pasóuseme a pista sorpresa de Kevin de Quilter pero hoxe teño unhas horas para min.

Podedes ver nos seguintes enlaces os bloques que fixen para a primeira pista, a segunda e a terceira.

Quilt misterioso, terceira parte

Como non tiven tempo de coser, non publiquei nada dende hai un mes.
Hoxe rematei o traballo cedo e deime o capricho de coser uns poucos bloques do quilt misterioso de Kevin the quilter, do que están aquí as instrucións.

Algún día teño que escribir sobre tecidos con estampados direccionais...

Estas son as partes anteriores: primeira e segunda.

Seguindo co quilt misterioso...

Fixen unhas poucas unidades da segunda parte do quilt misterioso que está a publicar Kevin the Quilter. Estou a usar retallos que me sobraran doutros proxectos, e finalmente optei por respectar o abano de córes proposto. Teño azuis e marelos moi claros e probablemente iso me obrigue a usar só brancos para os neutros.

Na primeira parte fixeramos cadrados combinando tons de azul.

Tentación: Sapphire Stars

The Eclectic Abuela comezou a coser os bloques dunha colcha misteriosa, un proxecto de Kevin the Quilter.
Non sei se me animar a facer uns poucos bloques: levo tanto tempo acolchando ultimamente que teño saudades por pacer algo de piecing.
A primeira pista usa tres tons de azul.